Дзярждэп ЗША: Мы стаім плячо ў плячо з Украінай

Прадстаўнік Дзярждэпартамента Джэф Ратка паведаміў, што ЗША застаюцца цвёрдыя ў сваёй пазіцыі аб адзінстве Украіны.

Пра гэта ён паведаміў у пятніцу падчас брыфінгу, паведамляе "Голас Амерыкі".

Ратка адзначыў, што працягваецца візіт памочніка дзяржсакратара Вікторыі Нуланд у Кіеў і ейныя перамовы з прэм'ер-міністрам Арсеніем Яцэнюком і прэзідэнтам Пятром Парашэнкам пацвярджаюць поўную і безумоўную падтрымку Злучанымі Штатамі ўрада Украіны, суверэнітэту і тэрытарыяльнай цэласнасці гэтай краіны.

"Мы стаім плячо ў плячо з народам Украіны і паведамляем аб нашай цвёрдай прыхільнасці прынцыпе адзінства Украіны, уключаючы Крым і ўсе астатнія рэгіёны краіны", - падкрэсліў ён.

Джэф Ратка таксама паведаміў, што паводле заявы дзяржсакратара, зробленай на гэтым тыдні падчас нарады кіраўнікоў МЗС краін-чальцоў NATO, настаў вырашальны момант, калі Расея і сепаратысты могуць распачаць крокі ў адпаведнасці з менскімі пагадненнямі.

"Кіраўніцтва Украіны працягвае выконваць свае абавязанні, прадугледжаныя Менскімі пагадненнямі. Яны таксама адгукнуліся на заклік украінскага народа на Майдане, менш чым за год правёўшы самыя маштабныя рэформы з часу абвяшчэння Украінай незалежнасці, і не збіраюцца спыняцца на гэтым", - адзначыў ён.