Навукоўцы высветлілі, як асяроддзе ўплывае на прыняцце рызыкоўных пастаноў

Пры развязанні пытанняў рызыкаваць ці не чалавек схільны арыентавацца на выбар людзей, што побач

Група даследчыкаў высветліла, што на працэс прыняцця пастаноў чалавекам, асабліва калі гэта тычыцца якіх-небудзь рызыкоўных акцый, напрост уплываюць пастановы людзей вакол яго, піша korrespondent.net.

Вынікі даследавання апублікаваныя ў часопісе Nature Neuroscience.

Да такіх высноў навукоўцы прыйшлі падчас экспэрыменту. Выбарцы з 70 чалавек прапанавалі згуляць у азартную гульню з двума магчымымі варыянтамі выбару. Першы прынясе невялікае ўзнагароджанне, але з вялікай імавернасцю, а другі абяцаў большы здабытак, але з меншым адсоткам на поспех.

У выніку высветлілася, што на прынятую пастанову наўпрост уплываў той выбар, які быў раней зроблены іншымі ўдзельнікамі экспэрыменту. У пацверджанне гэтай гіпотэзы пры дапамозе МРТ навукоўцы адзначылі актывацыю вентрамедальнай прэфрантальнай кары ва ўдзельнікаў. Гэтая зона адказвае за ацэньванне пастаноў чалавека.

Цікава, што гэты псіхалагічны феномен распаўсюджваецца выключна на чалавека. У выпадках, калі ўдзельніку распавесці аб аналагічным выбары, раней зробленым кампутарам, эфект не назіраўся.