Мішэль Абама паказала свой фітнэс-трэнінг
8- 20.05.2015, 20:46
- 12,429
Першая лэдзі ЗША Мішэль Абама паказала адзін са сваіх фітнэс-трэнінгаў.
Адпаведны відэаролік быў апублікаваны на Facebook-старонцы Белага дома, піша Lenta.ru.
Як тлумачыць People, Мішэль прадэманстравала сваю фізічную форму ў рамках распачатай ёю раней у 2015 годзе кампаніі #GimmeFive. Яе ўдзельнікам прапануецца падумаць пра пяць спосабаў здаровага ладу жыцця і расказаць пра іх у сацсетках.
Мішэль Абама распавяла, што ролік з трэнінгам стаў адказам на аналагічнае відэа, запісанае ейным мужам у рамках #GimmeFive.
Першая лэдзі ЗША і раней адрознівалася вялікай зацікаўленасцю ў пытанні здаровага ладу жыцця. Напрыклад, з 2010 года яна прапагандуе здаровае харчаванне ў амерыканскіх школах. З яе ініцыятывы ў навучальных установах была прынятая праграма, якая прадугледжвае ўвядзенне ў рацыён навучэнцаў гародніны, садавіны, а таксама ежы, багатай бялком.