Дональд Туск: Дыскусія аб еўрапейскай перспектыве ў Рызе была складанай

Дыскусія аб фармулёўках дэкларацыі саміту «Усходняга партнёрства» асабліва згадванне еўрапейскай перспектывы, была вельмі складанай.

Пра гэта, як паведамляе «Еўрапейская праўда», заявіў прэзідэнт Еўрапейскай рады Дональд Туск падчас выніковай прэс-канферэнцыі ў Рызе.

«Дыскусія аб фармулёўках была вельмі складанай, - адзначыў ён. - Фармулёўкі ў палітыцы маюць значэнне, але галоўнае - гэта дзеянні. Нічога ў нашых намерах не змянілася, мы застаёмся на абраным шляху».

Разам з тым, ён нагадаў, што ініцыятыва Усходняга партнёрства не прадугледжвала ніколі аўтаматычнага ўступлення ў ЕЗ.

«Гэта доўгі працэс. У нас ёсць сябры, ёсць скептыкі, ёсць ворагі. І гэта нармальна», - падкрэсліў Туск.

Нагадаем, сёння ў Рызе прайшоў саміт «Усходняга партнёрства». Беларусь на ім прадстаўляў міністр замежных спраў Макей. Афіцыйны Менск адмовіўся асудзіць анэксію Крыма. Праз гэтага ў выніковай дэкларацыі ў дыпламатычных фармулёўках падкрэсліваецца, што агрэсію РФ асуджаюць ўсе, акрамя Беларусі ды Арменіі.