Дарожнікі ў Менску ўкладвалі асфальт у лужыну

Мянчук знайшоў адно з тлумачэнняў выбоінам і ямам на дарогах.

Адзін з чытачоў падзяліўся з рэдакцыяй відэаролікам, знятым на вуліцы Валадарскага беларускай сталіцы. У ім паказана, як дарожнікі ўкладваюць асфальт прама ў вялізную лужыну.

«Вяртаўся 22 траўня дадому і ўбачыў, як дарожнікі ўкладвалі асфальт прама ў вялізную лужыну. Засняў на відэакамеру і выклаў у Інтэрнэт. Падам заяўку ў «Рэмаўтадор», каб яны пракаментавалі гэтае парушэнне тэхналогіі кладкі дарог», - распавёў ён.