На «беларускіх Мальдывах» узмоцняць ахову з дапамогай міліцыі

Меры бяспекі на вадаёмах Гарадзенскай вобласці да пачатку купальнага сезону ўзмоцняць.

Адпаведныя даручэнні ўчора на аператыўнай нарадзе ў Гарадзенскім аблвыканкаме даў губернатар Уладзімір Краўцоў, паведамляе БелТА.

У Гарадзенскай вобласці вызначаныя і падрыхтаваныя афіцыйныя зоны адпачынку на вадзе. Аднак, на думку губернатара, прадугледзець меры бяспекі трэба і на іншых вадаёмах. «Мы павінны ведаць, куды паедуць адпачываць жыхары вобласці, нават калі гэта і не дазволеныя для адпачынку месцы, каб забяспечыць і там пэўныя меры аховы», - сказаў губернатар.

Асаблівую ўвагу старшыня аблвыканкама даручыў надаць кар'ерным вадаёмам. Калі ў Ваўкавыскім раёне пасля таго, як пытанне аб немагчымасці выкарыстання для купання крэйдавых кар'ераў ААТ «Краснасельскбудматэрыялы» атрымала шырокае грамадскае абмеркаванне, сталі больш настойліва папярэджваць людзей аб небяспецы знаходжання на тэрыторыі аб'екта, бо кар'еры ААТ «Камбінат будматэрыялаў» (КСМ) пад Горадняй ахоўваюцца недастаткова. На тых і іншых выпрацаваных кар'ерах адбываліся няшчасныя выпадкі. «Людзі павінны ведаць, што гэта небяспечныя для адпачынку месцы. Засыпаць іх няма магчымасці, а таму наша задача - зрабіць так, каб там не адбываліся няшчасныя выпадкі», - падкрэсліў губернатар.

Старшыня аблвыканкама даручыў прапрацаваць пытанні ўзаемадзеяння розных службаў для аховы жыцця людзей вакол гэтых тэхнічных вадаёмаў. Як далажылі на нарадзе, вакол кар'ераў пад Горадняй ў светлы час дня будуць дзяжурыць прадстаўнікі КСМ, а таксама дадаткова праводзіцца патруляванне міліцыі.