Прэзідэнт ФРГ назваў савецкіх салдат акупантамі
18- 3.05.2015, 10:56
- 32,538
Ёахім Гаўк публічна падзякаваў савецкім вызваліцелям нямецкіх земляў, але раскрытыкаваў СССР за дзеянні ва Усходняй Нямеччыне пасля вайны
Пра гэта прэзідэнт Нямеччыны паведаміў у інтэрв'ю газеце Suddeutsche Zeitung, піша «Укрінформ».
«Мы былі вызваленыя 8 траўня, у тым ліку і народамі Савецкага Саюза. Таму мы абавязаны выказаць ім падзяку і павагу», - сказаў Ёахім Гаўк.
Пры гэтым ён асудзіў злачынствы нацыстаў супраць савецкіх ваеннапалонных і адзначыў, што «савецкія вызваліцелі пасля вайны сталі акупантамі Усходняй Нямеччыны, якія нясуць адказнасць за падаўленне свабод, прыгнёту і пераследу».
Нагадаем, раней Ёахім Гаўк прызнаў генацыд армянаў у Асманскай імперыі, чым справакаваў незадаволенасць турэцкага боку.