Жыхары пяціпавярховіка ў Гомелі пасля рамонту ходзяць па пад'ездзе з парасонамі

Рамонт даху ў першым пад'ездзе жылога дома №51 на праспекце Кастрычніка ў Гомелі быў закончаны кагадзе.

Як толькі рабочыя звезлі свае бытоўкі пасля выканання работ, пайшоў дождж - і не сустрэў на сваім шляху перашкод, паведамляе сайт «Гомельскай праўды».

З нагоды працёку даху жыхарка дома Галіна Анатольеўна звярталася ў домакіраўніцтва яшчэ ў сераду. Ёй сказалі: заткнуты сцёк. Але тады яшчэ ападкі былі нязначныя. А ўчора, падышоўшы да пад'езда, яна ўбачыла, як адтуль хвошча вада. Не менш дзівосны вадаспад быў унутры.

На сёння, са слоў відавочцаў, у доме з'явіліся людзі ў робах. Электрычнасць вымкнутая. Калі з'явіцца святло, пакуль не вядома.