Блатэра і Плаціні дапытаюць наконт справы аб выбары Расеі і Катара гаспадарамі ЧС

Скандал з карупцыя ў FIFA далей убіраецца ў сілу.

Прэзідэнт FIFA Ёзэф Блатэр і кіраўнік UEFA Мішэль Плаціні будуць дапытаныя швайцарскай пракуратурай у справе аб выбары краін-гаспадынь чэмпіянатаў свету 2018 і 2022 гадоў - Расеі і Катара адпаведна. Пра гэта паведамляе выданне Sunday Times, піша "Укрінформ".

Плаціні і Блатэр будуць дапытаныя ў апошнюю чаргу, бо абодва жывуць у Швайцарыі і могуць сустрэцца з пракурорамі ў кожны час.

Усе асобы, выкліканыя на допыт, будуць мець статус auskunftspersonen - прававы статус, зарэзэрваваны для сведак, у тых выпадках, калі пракуратура хоча пакінуць магчымасць пераводу сведак у лік падазраваных.

Расея і Катар атрымалі права правядзення мундыялю 2018 і 2022 гадоў адпаведна ў 2010 годзе. Федэральны дэпартамент юстыцыі і паліцыі Швайцарыі (FDJP) паведаміў у сераду, што распачаў крымінальная справа ў сувязі з выбарам краін-гаспадынь ЧС-2018 і ЧС-2022.

У сераду стала вядома, што шэраг высокапастаўленых чыноўнікаў FIFA быў арыштаваны ў Цюрыху паводле абвінавачвання ў карупцыі. Абвінаваўцы кажуць аб шырокамаштабнай карупцыі ў FIFA на працягу двух апошніх дзесяцігоддзяў вакол заявак на чэмпіянаты свету, маркетынгавых і вяшчальных угод. Абвінавачванні ўключаюць у сябе таксама махлярства, рэкет і адмыванне грошай.