Па Берасці праехала калона байкераў

У байк-фэсце «Берасце-2015», які праходзіць сёння, узялі ўдзел блізу 7000 чалавек.

Калона матацыклістаў заехала ў абласны цэнтр ўчора пад 13:00, зрабіла кола па горадзе і сабралася на стаянцы каля Лядовага палаца. Змясціліся ўсе, але толькі размеркаваныя па ўсіх пляцоўках. Праезд па месце заняў блізу гадзіны, піша onliner.by.

Вядома, берасцейскія кіроўцы на гэты час былі ўціснутыя ў сваіх правах на рух па горадзе, але, з другога боку, захапляльнае шоў, на якое выходзіць паглядзець паўместа, вабіць усё больш і больш удзельнікаў. Іншыя гарады развіваюць свае кірункі, а Берасцю варта і далей трымацца за мотафэст. Пасля паказальных выступаў ля Лядовага палаца байкеры з'ехалі ў лагер «Арляня», дзе ў іх будзе свая праграма.