Фэст у Берасці: жыхарам паказалі сярэднявечнае места
1- 31.05.2015, 21:39
- 4,810
У цытадэлі каля музея "Бярэсце" адбылася "Берасцейская маёўка".
Для наведнікаў фэсту быў арганізаваны квэст "Падарожжа ў сярэднявечнае места", падчас якога можна было пазнаёміцца з гісторыяй, - распавяла "Радыё Рацыя" адна з арганізатарак імпрэзы Святлана Шчэрба.
- Сёлета ў нас тэматычная маёўка, прысвечаная сярэднявечнаму месту. Перш за ўсё гэта знаёмства з гісторыяй, і, вядома, танцы і гульні. Сярэднявечча цікавіць шмат каго. Таму мы робім добрую справу, бо расказваем людзям пра гісторыю іхняга горада".
Для наведнікаў "Берасцейскай маёўкі" працаваў кірмаш майстроў, манетны двор, друкарня для вырабу гравюр.