У Менску зруйнуюць больш за 100 адселеных дамоў
2- 4.05.2015, 11:21
- 22,703
На першую палову гэтага года ў сталіцы запланаванае зруйнаванне 64 пабудоў, што не эксплуатуюцца.
У першую чаргу гаворка ідзе пра адселеныя жылыя дамы, піша «Менск-навіны».
Быў складзены графік зруйнавання з улікам прыярытэтаў: наяўнасці плана дэталёвай планіроўкі і праектна-каштарыснай дакументацыі на зруйнаванне. На правядзенне гэтых работ інвестыцыйнай праграмай Менска выдзелена 37 млрд. рублёў з бюджэту горада. Пра гэта ішла размова на пасяджэнні штаба добраўпарадкавання і зместу тэрыторыі горада.
Тым не менш фактычна сёлета ў траўні да зруйнавання рыхтуюцца толькі 20 аб'ектаў, астатнія ж на справе плануюць зносіць толькі ўвосень. Першы намеснік старшыні Мінгарвыканкама Уладзімір Кухараў запатрабаваў ад намеснікаў кіраўнікоў раённых адміністрацый зрабіць захады, каб планы зруйнавання былі выкананыя ў тэрмін. У адваротным выпадку адказныя за правядзенне гэтых работ будуць несці адказнасць.
Заўважым, адселеныя жылыя дамы складаюць блізу паловы невыкарыстоўваемых аб'ектаў Менска - 103 пабудовы.