Натарыусы 7 і 8 траўня будуць кансультаваць бясплатна
2- 4.05.2015, 16:49
- 11,025
7 і 8 траўня натарыусы бясплатна пракансультуюць грамадзян у пытаннях, звязаных з правядзеннем натарыяльных дзеянняў.
Пра паведамілі ў Беларускай натарыяльнай палаце, паведамляе БелаПАН.
Удзел у акцыі «Дні бясплатнага кансультавання, прысвечаным 70-годдзю Перамогі савецкага народа ў Вялікай Айчыннай вайне» возьмуць усе натарыяльныя канторы і натарыяльныя бюро Беларусі.
Цягам двух працоўных дзён кожны ахвотны можа звярнуцца па кансультацыю да натарыуса ў пытаннях, якія ўваходзяць у ягоную кампетэнцыю, у тым ліку афармлення спадчынных правоў, складання завяшчання, шлюбнай дамовы, адчужэння нерухомасці і здзяйснення выканаўчых надпісаў.
«Правядзенне такіх акцый і мерапрыемстваў, прымеркаваных да дзяржаўных святаў Беларусі і іншых памятных дат і рэалізацыі ў мэтах прававой асветы насельніцтва, забеспячэння і абароны правоў і законных інтарэсаў грамадзян, для натарыяльнай супольнасці рэспублікі стала ўжо традыцыйным», - адзначылі ў палаце.
Поўны спіс натарыяльных кантор і натарыяльных бюро, інфармацыя пра час іх працы размешчаныя на сайце Беларускай натарыяльнай палаты.