Экс-кіраўніца Hewlett-Packard мае намер змагацца за пасаду прэзідэнта ЗША

Былая кіраўніца кампаніі Hewlett-Packard Карлі Ф’ёрына абвясціла ў панядзелак аб намеры ўдзельнічаць у прэзідэнцкай гонцы ў ЗША.

Пра гэта паведамляе мясцовы тэлеканал АВС піша "Інтэрфакс".

"Так, я буду кандыдаткай на пасаду прэзідэнта. Я думаю, што лепш за ўсіх пасую для гэтага, бо разумею, як функцыянуе эканоміка, і як функцыянуе свет", - сказала яна.

Карлі Ф’ёрына сышла з кіраўніцтва Hewlett-Packard ў 2005 годзе, пасля чаго занялася палітыкай. Чакаецца, што яна стане адзінай жанчынай, якая будзе змагацца за вылучэнне кандыдаткай у прэзідэнты ЗША ад Рэспубліканскай партыі.