У некаторых салонах Velcom перасталі прымаць «гатоўку»
8- 7.05.2015, 11:29
- 14,061
Аператар парэкамендаваў выкарыстоўваць для аплаты паслуг банкаўскія карты.
Аператар Velcom паведаміў, што праз незалежныя ад кампаніі прычыны з сённяшняга дня ў цэнтрах продажу і абслугоўвання спынілі працу тэрміналы ЗАТ «ИнтерПэйБанк» у прыёме наяўных, піша onliner.by.
«У сувязі з гэтым прыём гатоўкі ў некаторых цэнтрах продажу і абслугоўвання velcom часова немагчымы», - адзначылі ў Velcom.
Аператар парэкамендаваў выкарыстоўваць для аплаты паслуг банкаўскія карты. Таксама ў кампаніі адзначылі, што побач з цэнтрамі продажу і абслугоўвання Velcom даступныя «іншыя магчымасці для аплаты наяўнымі грашовымі сродкамі».
У кампаніі прынеслі абанентам прабачэнні за часовыя нязручнасці.