Сенат Францыі ратыфікаваў пагадненне паміж Украінай і ЕЗ
- 7.05.2015, 14:30
- 10,121
Пагадненне аб асацыяцыі паміж Украінай і Еўрапейскім Звязам ратыфікаванае Сенатам Францыі.
Пра гэта амбасадар Украіны ў Парыжы Алег Шамшур напісаў на сваёй старонцы ў сетцы мікраблогаў «Твітэр».
«Сенат Францыі прагаласаваў за ратыфікацыю Пагаднення аб асацыяцыі паміж Украінай і Еўрапейскім Звязам», - паведаміў дыпламат.
Senat de France a voté la ratification de l'Accord d'association entre l'Ukraine et l'Union Européenne @Senat_Info @MFA_Ukraine @UKRinFRA
— Shamshur Oleh (@Shamshur_O) 7 мая 2015Міністэрства замежных спраў Украіны чакае завяршэння ратыфікацыі пагаднення ўсімі дзяржавамі ЕЗ да канца 2015 года.
Раней пагадненне ўжо ратыфікавалі Бельгія, Балгарыя, Вялікая Брытанія, Данія, Эстонія, Ірландыя, Латвія, Літва, Мальта, Польшча, Румынія, Славаччына, Вугоршчына, Харватыя, Партугалія, Фінляндыя і Швэцыя.
