Тэлеканал Discovery здыме цыкл праграм аб беларускай прыродзе

Discovery плануе стварыць цыкл праграм пра Беларусь, сярод іх, пра Белавежскую пушчу.

Пра гэта паведаміла міністарка інфармацыі Лілія Ананіч 7 красавіка на семінары аб тэлежурналістыцы ў Менску.

Паводле ейных слоў, надоечы дасягнутая дамоўленасць з вядомым тэлеканалам аб стварэнні серыі перадач аб нацыянальным прыроднай спадчыне, сярод іншага, пра Белавежскую пушчу.

Як піша БелТА, яна выказала пажаданне, каб і іншыя дыстрыб'ютары, прыводзячы новыя замежныя тэлепраграмы на беларускі інфармацыйны рынак, спрыялі прасоўванню інфармацыі пра краіну ў медыйнай прасторы планеты.