Абарона Саўчанкі пачынае знаёміцца з матэрыяламі крымінальнай справы
2- 1.06.2015, 19:07
- 12,534
Азнаямленне з матэрыяламі закончыцца ў другой палове ліпеня.
Абарона ўкраінскай лётчыцы, народнай дэпутаткі Ўкраіны ад "Батьківщини" Надзеі Саўчанкі пачынае азнаямленне з матэрыяламі ейнай крымінальнай справы. Пра гэта ў панядзелак, 1 чэрвеня, у Twitter паведаміў адвакат украінкі Мікалай Полазаў.
"Падпісаў пратакол аб заканчэнні следчых дзеянняў у справе Надзеі Саўчанкі. Далей стадыя азнаямлення са справай", - паведаміў ён.
У камэнтары "Інтэрфаксу" адвакат Саўчанкі Марк Фейгін паведаміў, што азнаямленне з матэрыяламі зойме блізу паўтары месяцы і закончыцца ў другой палове ліпеня.
Подписал протокол об окончании следственных действий по делу Надежды Савченко. Далее стадия ознакомления с делом. #FreeSavchenko
— Николай Полозов (@Moscow_advokat) czerwiec 1, 2015
Аб заканчэнні расследавання крымінальнай справы супраць Саўчанкі следчы камітэт Расеі абвясціў 28 траўня.
Саўчанка, якая была ўзятая ў палон у чэрвені 2014 года ў Луганскай вобласці, а затым незаконна вывезена ў Расею, абвінавачваецца ў дапамаганні ў забойстве двух расейскіх журналістаў і незаконным перасячэнні мяжы РФ. Лётчыца сваю віну не прызнае. У расейскім следчым ізалятары яна знаходзіцца амаль год.