ЕЗ устурбаваны нарошчваннем вайсковай прысутнасці РФ у Чорным моры

Еўрапейскі парламент папярэджвае аб павышэнні небяспекі эскалацыі.

Пра гэта гаворыцца ў рэзалюцыі ЕП аб стратэгічнай ваеннай сітуацыі ў басейне Чорнага мора пасля анэксіі Крыма Расеяй, якая падрыхтавана на аснове дакладу дэпутата Яна Пашку, і за якую прагаласавалі ў чацвер ў Страсбургу падчаас пленарнага пасяджэння парламента, піша УНІАН.

"ЕП глыбока ўстурбаваны цяперашнім абарончым і наступальных вайсковым нарошчваннем Расеі ў Чорным моры і запланаваным пашырэннем і мадэрнізацыяй расейскага Чарнаморскага флоту, да якога прыцягнутыя шэсць новых сучасных дызельных падводных лодак і шэсць новых фрэгатаў; нагадвае, што пазіцыянаванне наступальных сродкаў ВПС і мадэрнізацыя крымскай вайсковай інфраструктуры павысіць наступальныя ваенныя пазіцыі Расеі, а таксама яе здольнасць павялічыць сваю ўладу за межы сваёй тэрыторыі", - гаворыцца ў рэзалюцыі.

У ЕП мяркуюць, што змяненне геастратэгічнага ландшафту, развіццё ваеннай сітуацыі ў басейне Чорнага мора і гвалтоўная анэксія Крыма Расеяй сведчаць аб шырокіх і сістэмных праблемах пасля халоднай вайны. "ЕЗ і дзяржавы-чальцы павінны мець адказ на гэтыя праблемы і павінны перагледзець сваю замежную палітыку і палітыку бяспекі, што павінна быць адлюстравана ў Еўрапейскай стратэгіі бяспекі, стратэгіі марской бяспекі і ў стратэгіі ЕЗ для Чорнага мора; устурбаваны ўзмацненнем ціску Расеі на ўсходняй мяжы ЕЗ , у тым ліку з Румыніяй, Польшчай і краінамі Балтыі, што з'яўляецца сур'ёзнай небяспекай", - адзначаецца ў рэзалюцыі.

Пралёты расейскіх самалётаў-знішчальнікаў паблізу вайсковых караблёў NATO і разведвальных платформаў у Чорным моры з'яўляюцца, на думку ЕП, выразным сігналам больш агрэсіўнай расейскай пазіцыі ў басейне Чорнага мора, і папярэджваюць аб падвышанай небяспецы эскалацыі; заклікаюць да наўпроставых вайсковых ліній сувязі, каб пазбегнуць трагічных непаразуменняў. ЕП адзначае, што незаконная анэксія Крыма выклікала значныя змены ў стратэгічным ландшафце Чарнаморскага басейна і прылеглай тэрыторыі. "Агрэсіўныя дзеянні Расеі з'яўляюцца вяртаннем да варожага падыходу. Заняўшы паўвыспу, Расея атрымала вельмі важную стартавую пляцоўку як да захаду (Балканы, Прыднястроўе і вусце Дуная), так і да поўдня (Усходняе Міжземнамор'е), дзе яна стварыла сталую вайскова-марскую групу, і што незаконная анэксія Крыма з'яўляецца для Расеі "Паўднёвым" Калінінградам, іншым фарпостам, які непасрэдна мяжуе з NATO", - гаворыцца ў дакуменце.

Акрамя таго, у рэзалюцыі адзначаецца, што патэнцыял Расеі ў разгортванні вайсковых сістэм падвойнага прызначэння ў Крыме выклікае сумнеў у добрых намерах Расеі, калі гаворка ідзе аб дасягненні прагрэсу ў сферы ядзернага раззбраення, і падрывае намаганні, зробленыя ў гэтым кірунку. У гэтай сувязі ЕП глыбока ўстурбаваны заявай прэзідэнта Расеі Уладзіміра Пуціна аб гатоўнасці прывесці расейскія ядзерныя сілы ў баявую гатоўнасць.

ЕП цвёрда падтрымлівае прызнанне анэксіі Крыма; зноў пацвярджае сваю прыхільнасць незалежнасці, суверэнітэту і тэрытарыяльнай цэласнасці Украіны і падкрэслівае патрэбу для ЕЗ і дзяржаў-чальцоў гаварыць з Расеяй адзіным голасам. ЕП таксама вітае пастанову Францыі адкласці пастаўку Расеі вайсковых караблёў тыпу Містраль і чакае, што гэтыя дамоўленасці будуць цалкам скасаваныя.