Расея зноў скарачае санкцыйны спіс: дазволіць увоз садавіны з Малдовы

Расея часткова скасавала эмбарга на ўвоз садавіны з Малдовы.

Рассельгаснагляд з 12 чэрвеня дазволіў шэрагу прадпрыемстваў Малдовы ў тэставым рэжыме аднавіць пастаўкі садавіны ў Расею.

Пра гэта гаворыцца ў лісце Рассельгаснагляду, размешчаным на сайце Нацыянальнага агенцтва бяспекі харчовых прадуктаў Малдавіі, паведамляе ТАСС.

"Дазволіць у якасці экспэрыменту ўвоз у Расейскую Федэрацыю з 12 чэрвеня гэтага года яблыкаў, ігруш, айвы свежай, а таксама абрыкосаў, вішні ды чарэшні, персікаў, нектарынаў, слівы і цёрняў свежых з наступных прадпрыемстваў: SLR "Grimafruct", ТАА "Аградэнідан" , прадпрыемстваў Гагаузія ТАА "Майдан-Груп", ТАА "УНІТА-Алімп", ТАА "Алтын Алма", ТАА "Бакая Ком", ТАА "Агузаграпрам", калгас "Перамога", а таксама з Грыгорыёпальскага, Дубасарскага, Каменскага, Рыбніцкага і Слабадзейскага раёнаў Рэспублікі Малдова", - гаворыцца ў лісце расейскай установы.

Урад РФ раней ужо неаднаразова карэктаваў санкцыйны спіс у бок скарачэння: акрамя малявак з яго былі выключаныя таксама БАДы, харчовыя дадаткі, безлактозные малочныя прадукты, насенная бульба, цыбуля-сеянка, кукуруза цукровая гібрыдная для пасеву, гарох для пасеву, фарэль, вустрыцы ды мідыі.