Беларусь перакінула стралковую роту на мяжу з Украінай

Вайскоўцы Беларусі пачалі камандна-штабныя вучэнні ў Гомельскай вобласці, што мяжуе з Украінай

Пра гэта паведамляе прэс-служба Міністэрства абароны краіны.

Вайсковыя вучэнні працягнуцца да 18 чэрвеня, адзначылі ў абаронным міністэрстве Беларусі.

Падчас вучэнняў плануецца адпрацаваць пытанні паэтапнага ўзмацнення дзяржаўнай мяжы на паўднёвым кірунку краіны. Удзел у вучэнні бяруць, сярод іншых, і асобная стралковая рота тэрытарыяльных войскаў, якая складаецца з вайскоўцаў, набраных з запасу, а таксама тэрытарыяльныя органы памежнай службы і ўнутраных спраў гомельскага рэгіёну.

Праверка сістэмы ўзмацнення аховы дзяржмяжы Беларусі на паўднёвым кірунку і тэрытарыяльнай абароны Гомельскай вобласці пачалася 2 чэрвеня.