Памерла расейская спявачка Жана Фрыске
58- 16.06.2015, 2:36
- 47,193
На 41-м годзе жыцця памерла расейская спявачка Жана Фрыске, паведамілі медыя.
Пра гэта паведамляе Gazeta.ru са спасылкай на сайт Super.Ru. Таксама пра гэта напісаў у твітары расейскі спявак Філіп Кіркораў.
ПРОЩАЙ, ЛЮБИМАЯ ЖАННА.....
ПРОЩАЙ ДРУГ........
НАСТОЯЩИЙ ДРУГ......
Я ПЛАЧУ......
В это НЕВОЗМОЖНО… https://t.co/5BKL18NdVJ
— PHILIPP KIRKOROV (@fkirkorov) czerwiec 15, 2015
Адзначаецца, што інфармацыю пацвердзіў яе бацька, Уладзімір Барысавіч Фрыске.
Апошнія месяцы артыстка, якая змагалася з ракам галаўнога мозгу, жыла з мужам, беларускім тэлевядучым Дзмітрыем Шэпелевым і маленькім сынам Платонам у загарадным доме.
Раней паведамлялася, што Жанна Фрыске з мужам збіраліся заснаваць фонд дапамогі хворым на рак.
Жане Фрыске ў сярэдзіне 2013 паставілі дыягназ «гліябластома» (пухліна мозгу). Першы канал разам з Русфондом арганізаваў збор сродкаў для спявачкі, у выніку чаго змаглі сабраць амаль 68 млн рублёў. Спявачка праходзіла курс лячэння ў Нью-Ёрку.
Жанна Фрыске з 1996 года была ўдзельніцай папулярнага гурта «Бліскучыя». У 2003 яна пачала сольную кар'еру. Акрамя таго, спявачка здымалася ў такіх фільмах, як «Начны дазор», «Дзённы дазор» і «Пра што гавораць мужчыны».