Дарыус Удрыс сышоў з ЕГУ
1- 2.06.2015, 15:58
- 5,511
Прарэктар ЕГУ ў развіцці і камунікацыі Дарыус Удрыс сышоў з Еўрапейскага гуманітарнага ўніверсітэта. Сам ён адмаўляецца называць свой сыход звальненнем.
Разам з кіраўніцтвам універсітэта я прыняў пастанову пакінуць пасаду прарэктара. Гэта ўзаемная пастанова, а не звальненне. Пасля чатырох гадоў плённай працы я наважыў ісці далей», - сказаў Удрыс.
Дарыус Удрыс паведаміў, што збіраецца і надалей працаваць у сферы сувязяў з грамадскасцю. Таксама Удрыс, які з'яўляецца грамадзянінам ЗША, растлумачыў, што пакуль не мае намеру пакідаць Літву, піша «Наша Нiва».
У той жа час былы выкладчык ЕГУ, кандыдат гістарычных навук Павел Церашковіч уважае сыход Удрыса прадаўжэннем палітыкі, скіраванай на выцісканне з універсітэта апанентаў.
«На гэты раз пад раздачу патрапіў удзельнік прэзідэнт..., sorry, рэктарскай выбарчай кампаніі, прарэктар Дарыус Удрыс. Вось так паступае прэзідэнт ЕГУ. Дабрадушны чалавек, сапраўдны гуманіст, носьбіт еўрапейскіх каштоўнасцяў», - іранізуе Церашковіч у «Фэйсбуку».