Экс-канцлер Нямеччыны Гельмут Коль трапіў у рэанімацыю
- 2.06.2015, 18:19
- 6,107
Пасля аперацыі на кішэчніку экс-канцлер доўгі час быў без прытомнасці, праз гэта лекары перавялі яго ў аддзяленне інтэнсіўнай тэрапіі.
Экс-канцлер Нямеччыны Гельмут Коль перанёс аперацыю на кішэчніку, пасля якой ён трапіў у рэанімацыю, паведамляе "BBC Україна".
Коль доўга быў без прытомнасці пасля аперацыі, таму лекары наважылі перавесці яго ў аддзяленне інтэнсіўнай тэрапіі. Цяпер былы канцлер знаходзіцца ў Універсітэцкай клініцы Гейдэльберга.
Гельмут Коль займаў пасаду федэральнага канцлера ФРГ з 1982 да 1998 года. Менавіта пры ім адбылося аб'яднанне ФРГ і ГДР. 3 красавіка Колю споўнілася 85 гадоў.