Брытанскія юрысты рыхтуюць калектыўны пазоў да Пуціна за збіты «Боінг»
85- 20.06.2015, 9:09
- 29,908
Справа супраць прэзідэнта РФ можа каштаваць яму сотню мільёнаў фунтаў, а ягоныя актывы могуць быць замарожаныя.
Брытанскія юрысты прыляцелі ва Украіну для падрыхтоўкі калектыўнай позвы супраць прэзідэнта РФ Уладзіміра Пуціна ад імя сем'яў загінулых у тэракце з Boeing 777, збітым летам 2014 года над кантраляванай баявікамі тэрыторыяй у Данецкай вобласці. Справай аб кампенсацыі займаецца лонданскае адвакацкай бюро McCue & Partners, якое ў свой час падавала позву супраць лівійскага лідара Муамара Кадафі,што спансаваў тэрарыстаў ІРА, паведамляе gordonua.com са спасылкай на The Telegraph.
Крыніца выдання паведамла, што збор доказаў у грамадзянскай справе прасцей, чым у крымінальным расследаванні. Таму высокапастаўленыя палітыкі Крамля, у тым ліку Пуцін, могуць быць прыцягнуты да адказнасці ў грамадзянскіх судах.
Справа супраць прэзідэнта РФ можа каштаваць яму сотні мільёнаў фунтаў, мяркеу выданне. А актывы Пуціна могуць быць замарожаныя, калі кампенсацыя не будзе выплачаная.
Самалёт Boeing 777, якi ажыццяўляў рэйс MH17 (Амстэрдам - Куала-Лумпур), быў збіты 17 ліпеня 2014 года паблізу Торэза Данецкай вобласці. Загінулі ўсе 298 чалавек, якія знаходзіліся на борце. Паводле звестак украінскіх уладаў і заходніх краін, самалёт збілі прарасейскія баевікі з дапамогай зенітнага ракетнага комплексу Бук, перададзенага ім з РФ. Выніковая справаздача аб прычынах крушэння Boeing 777 Нідэрланды паабяцалі падрыхтаваць на працягу года. Расея на працягу ўсяго часу пасля тэракту абвяргае сваё дачыненне да яго.