Уначы ў Менску п'яны кіроўца на сагнанай KIA пратараніў плот жылога дома

Пасля адпачынку ў лазні з распіццём алкагольных напояў двое хлопцаў надумалі пакатацца на KIA свайго таварыша, скарыстаўшыся тым, што той заснуў.

- 22 чэрвеня прыкладна а 2 ночы 29-гадовы кіроўца KIA ехаў па Даўгінаўскім тракце з боку вуліцы Прыгарадная ў напрамку Шчадрына. Робячы правы паварот, ён не справіўся з кіраваннем і ўрэзаўся ў бардзюр, выехаў за межы праезнай часткі, збіў знак «Пешаходны пераход» і заехаў у плот аднаго з прыватных дамоў на скрыжаванні Даўгінаўскага тракта і вул. Шчадрына, - распавяла tut.by прадстаўніца ДАІ Цэнтральнага раёна Анастасія Радзько.

Пасля ДТЗ кіроўца і пасажыр з месца схаваліся, аднак былі аператыўна затрыманыя супрацоўнікамі ДАІ.

- Як высветлілася, кампанія маладых людзей адпачывала ў лазні. Пасля сумеснага распівання спіртных напояў, уладальнік KIA заснуў, а два ягоныя таварышы надумалі пакатацца па начным горадзе, - паведамілі ў ДАІ.

У момант ДТЗ кіроўца быў п'яны. На яго склалі чатыры пратаколы: за ДТЗ; пакіданне месца ДТЗ; «п'янку за рулём»; за тое, што не меў права кіравання (у 2009 годзе ён быў пазбаўлены правоў за «п'янку», пасведчанне не вяртаў).

Уладальнік машыны напісаў заяву аб згоне, развязваецца пытанне аб распачынанні крымінальнай справы.