Пры нападзе на гатэль у Тунісе загінулі 30 чалавек

(Абноўлена - 17:54) Не менш за 30 чалавек загінулі ў выніку нападу на гатэль у туніскім горадзе Сус.

Пра гэта паведамляе Reuters са спасылкай на МУС краіны, паведамляе Lenta.ru.

Напад учынілі двое баевікоў, адзін з іх знішчаны, другі ўцёк. Відавочцы паведамлялі аб выбуху. Акрамя таго, ёсць паведамленні пра тое, што была стральба на гасцінічным пляжы.

Аднак, як паведамляе расейская служба BBC, напад учынены на два гатэлі, размешчаныя па-суседску. Паводле непацверджаных звестак, ад абстрэлу пацярпела турысты, якія вярталіся з пляжу. Тыя, хто нападаў, нібыта выкарыстоўвалі аўтаматы.

Адзначым, што Сус з'яўляецца адным з самых папулярных сярод замежных турыстаў курортных гарадоў краіны.

З сакавіка, калі ў выніку нападу на музей «Бардо» ў сталіцы Туніса загінуў 21 турыст з Вялікай Брытаніі, Францыі, Італіі, Калумбіі, Польшчы і Японіі, многія звязаныя з турыстычнай галіной аб'екты ў Тунісе знаходзяцца ў рэжыме падвышанай аховы.