Азаранка выйшла ў другое кола Уімблдона
8- 29.06.2015, 15:12
- 34,141
Беларуская тэнісістка Вікторыя Азаранка (24-ы нумар сусветнага рэйтынгу) выйшла ў другое кола Уімблдонскага турніру.
29 чэрвеня ў матчы першага кола Азаранка перамагла Анэт Кантавейт (145) з Эстоніі - 6:2, 6:1, піша БелаПАН.
Наступнай спаборніцай беларускай тэнісісткі стане пераможца матчу Кірстэн Фліпкенс (Бельгія, 96) - Аніка Бек (Нямеччына, 70).
Сёння таксама свой першы матч у асноўнай сетцы правядзе беларуска Аляксандра Сасновіч (137) - супраць кітаянкі Лін Чу (116).
Пасля пераможнага матчу Вікторыя Азаранка з задавальненнем раздавала аўтографы і фатаграфавалася на памяць.