Перамога ў чэмпіянаце Англіі прынесла Чэлсі рэкордныя грошы

Сталі вядомыя прыбыткі ангельскіх клубаў паводле вынікаў чэмпіянату Англіі.

Лонданскі Чэлсі ўсталяваў новы рэкорд заробкаў у Англіі, выйграўшы нацыянальны чэмпіянат. Агульны даход «арыстакратаў» склаў амаль 130 мільёнаў еўраў, паведамляе sport.bigmir.net са спасылкай на Daily Mail.

Паводле інфармацыі выдання, звыш 32 мільёнаў ім пералічылі за саму перамогу ў чэмпіянаце, амаль 26 мільёнаў - за продаж правоў на тэлетрансляцыю, а таксама блізу 65-ці мільёнаў ад продажу правоў за мяжу. Астатнія грошы лонданцы атрымалі ад спонсараў Лігі.

Манчэстар Сіці, заняўшы другое месца, атрымаў 128 млн. Бронзавы прызёр першынства лонданскі Арсенал зарабіў 125 млн., што крыху менш, чым у «Манчэстар Юнайтэд» - 126 млн. Прычына ў тым, што матчы з удзелам МЮ часцей паказвалі ў жывой трансляцыі.

У агульнай складанасці ўсе каманды зарабілі звыш 2 мільярдаў еўраў. Яшчэ адным цікавым фактам стала тое, што апошняя каманда чэмпіянату КПР атрымала практычна 85 млн. еўраў, што з'яўляецца абсалютным рэкордам для ангельскага першынства.