За вяртанне Tax Free прыйдзецца заплаціць па еўра з кожнага чэка

Кампанія Global Blue ўвяла з 1 чэрвеня камісію за вяртанне грошай па чэках Tax Free.

Цяпер калі сума для выплаты перавышае 10 еўра, то за кожны чэк беларусам прыйдзецца заплаціць па 1 еўра. Пра гэта сайту charter97.org паведамілі ў «Тэхнабанку».

«З 1 чэрвеня 2015 года змяняюцца ўмовы выплаты гатоўкі па чэку Tax Free Global Blue. Цяпер камісія кампаніі за выплату гатоўкай па чэку Tax Free, вяртанне па якім складае больш за 10 еўра, складзе адзін еўра», - паведамілі ў банку.

Сёння ў Беларусі можна вярнуць грошы па чэках Tax Free ў трох аддзяленнях «Тэхнабанка».