Менская міліцыя шукае ўладальніка знойдзенага скрутка грошай

Міліцыя шукае ўладальніка скрутка грошай, знойдзенага на праспекце Незалежнасці.

Пра гэта паведамляюць «Мінск-Навіны».

Як распавяла прэс-афіцэр Першамайскага РУУС Святлана Білінская, 29 траўня блізу 19.00 мянчук знайшоў скрутак з грашыма ў траве побач з тратуарам каля дома №95а на пр. Незалежнасці. Знаходку мужчына занёс у Першамайскае РУУС. Аднак з заявай у міліцыю да гэтага часу ніхто не звярнуўся.

Праваахоўнікі спрабуюць знайсці ўладальніка грошай.