Еўрапарламент закрыў доступ для ўсяго персаналу сталага прадстаўніцтва РФ

Еўрапарламент закрыў вольны доступ у будынак усяму персаналу сталага прадстаўніцтва Расеі пры ЕЗ.

Доступ застаецца толькі ў сталага прадстаўніка Уладзіміра Чыжова і ў яшчэ аднаго дыпламата, якога ён назаве, паведамляе РБК.

Прэзідэнт Еўрапарламента Марцін Шульц закрыў вольны доступ у будынак заканадаўчага органа ЕЗ для ўсяго персаналу сталага прадстаўніцтва Расеі. Як патлумачыў журналістам сталы прадстаўнік Расеі пры ЕЗ Уладзімір Чыжоў, паведамленні аб тым, што ўваход у будынак закрыты асабіста для яго, няслушныя.

«Гаворка ідзе пра няправільную інтэрпрэтацыю фразы (кіраўніка Еўрапарламента Марціна) Шульца. Ён не абмежаваў свабодны доступ для пасла і яшчэ аднаго дыпламата, а абмежаваў свабодны доступ толькі амбасадарам і дыпламатам. Гэта значыць для мяне і яшчэ аднаго дыпламата доступ захаваны, а для астатняга персаналу сталага прадстаўніцтва - не, для іх усё запыты на ўваход будуць разглядацца ў разавым парадку», - патлумачыў Чыжоў (цытата з ТАСС).

Ён таксама падкрэсліў, што гэтая пастанова была прынятая асабіста Шульцам, пра што еўрапейскі чыноўнік паведаміў яму пасля тэлефоннай размовы.

Сталы прадстаўнік растлумачыў, што запыты на доступ у Еўрапарламент для расейскіх дэпутатаў будуць разглядацца ў разавым парадку. Апроч яго вольны доступ у будынак атрымае яшчэ адзін дыпламат, якога ён назаве. Са слоў Чыжова, ён наведвае Еўрапарламент рэгулярна, але не кожны дзень, як яго супрацоўнікі. Ён распавёў, што ў Еўрапарламенце праходзіць «процьма адкрытых слуханняў і сціжма цікавых рэчаў» і забарона на свабодны доступ можа адбіцца на працы сталага прадстаўніцтва.

Шульц напярэдадні заявіў, што забарона на свабодны доступ у Еўрапарламент для расейцаў з'яўляецца адказам на «чорныя спісы» еўрапейскіх дыпламатаў. Расейскі «стоп-ліст» выклікаў абурэнне Еўракамісіі, шэрагу еўрапейскіх палітыкаў і замежных палітычных устаноў. У ліку прэтэнзій, якія яны выставілі, - тое, што Расея не абгрунтавала ўключэнне палітыкаў у спіс, тым самым парушыўшы прынцып празрыстасці.