Дачка Нямцова з'ехала з Расеі праз пагрозы

Жанна Нямцова, старэйшая дачка забітага лідара апазіцыі, пакінула Расею пасля таго, як ёй пачалі пагражаць.

"Былая журналістка вінаваціла расейскага лідара ў тым, што ён нясе "палітычную адказнасць" за забойства яе бацькі", - піша журналіст The Times Бэн Хойл. Жанна Нямцова таксама крытыкавала афіцыйнае расследаванне злачынства, піша Инопресса.ру. Яна не сказала, дзе жыве цяпер, і заявіла, што не ведае, ці вернецца калі-небудзь у Расею.

"Усіх, хто крытыкуе рэжым і яго архітэктара Уладзіміра Пуціна, могуць пераследаваць у судовым парадку, падвергнуць ганенням, узвесці паклёп, пасадзіць у турму або забіць і атруціць. Мой бацька быў забіты з палітычных меркаванняў. З тых часоў сітуацыя даволі хутка пагаршаецца", - сказала яна.

На мінулым тыдні Нямцова даведалася пра раптоўную хваробу свайго сябра Уладзіміра Кара-Мурзы. "Яна мяркуе, што яго маглі атруціць", - піша аўтар.

Цягам апошніх гадоў многія расейскія лібералы і апазіцыянеры эмігравалі, спасылаючыся на асцярогі за сваю бяспеку.