У Англіі ўсталявалася экстрэмальна гарачае надвор'е
- 1.07.2015, 19:46
- 4,553
1 ліпеня стала самым гарачым днём у Англіі за ўвесь час метэаназіранняў.
Ля лонданскага аэрапорта Хітроў слупок тэрмометра ўдзень у сераду ўздымаўся да 36,7 градуса паводле Цэльсія, пабіўшы такім чынам рэкорд 2006 года, перадае BBC.
Лекары заклікаюць жыхароў Англіі не заставацца на сонца ў самы гарачы час - з 11:00 да 15:00. Ад знаходжання на сонцы павінны ў першую чаргу ўстрымацца дзеці, хворыя і паджылыя людзі, нагадваюць органы аховы здароўя Брытаніі.
1 ліпеня ў Лондане было гарачэйшым, чым у Рыме і Афінах, аднак крыху "халаднейшым", чым у Парыжы і Мадрыдзе.
У Шатландыі тэмпература паветра ўдзень не перавысіла 23 градусаў.
Тым часам ва ўмовах моцнай спёкі ва Уімблдоне праходзіць тэнісны турнір. Гледачы спрабуюць абараніцца ад сонца, закрываючы голавы газетамі ды часопісамі.