Вольга Гаварцова сенсацыйна перамагла Алізі Карнэ
20- 2.07.2015, 17:19
- 13,788
2 ліпеня парадавала беларускіх заўзятараў тэнісістка Вольга Гаварцова.
У другім коле Уімблдона ёй супрацьстаяла 27-я ракетка свету францужанка Алізі Карнэ. Улічваючы, што Вольга Гаварцова цяпер у рэйтынгу WTA займае 122-ю пазіцыю, шанцы нашай зямлячкі на поспех у паядынку выглядалі даволі сціплымі, піша «Салiдарнасць».
Аднак беларуска прадэманстравала характар. Спярша яна перамагла ў стартавым сэце на тай-брэйку. А пасля таго, як у другім саступіла без варыянтаў, у трэцім Вольга разграміла спаборніцу.
7:6 (8:6), 2:6, 6:1 - далей ідзе беларуска. Наступнай яе спаборніцай будзе славачка Магдалена Рыбарыкава (65-е месца ў рэйтынгу WTA).