ХК «Дынама-Мінск» афіцыйна скасаваў кантракт з Максімам Суботкіным

Выконваючым абавязкі генеральнага дырэктара клуба прызначаны Уладзімір Беражкоў.

На наглядальным савеце ЗАТ «ХК «Дынама-Мінск», які адбыўся 20 ліпеня ў поўным складзе пад старшынствам Ігара Шуневіча, паводле пастановы агульнага сходу акцыянераў скасаваны кантракт з генеральным дырэктарам клуба Максімам Суботкіным. Выконваючым абавязкі генеральнага дырэктара прызначаны намеснік генеральнага дырэктара па спорту - генеральны мэнэджар Уладзімір Беражкоў.

На пасяджэнні назіральны савет разгледзеў шэраг стратэгічных і тактычных пытанняў, якія тычацца жыццядзейнасці клуба. У тым ліку - пытанні фінансавання бабруйскага філіяла клуба, а таксама вынікі ўнутранай праверкі. З улікам новых стратэгічных задач, што стаяць перад ЗАТ «ХК Дынама-Мінск», першачарговымі ў якіх - спартовыя вынікі, назіральны савет і прыняў агучаную вышэй кадравую пастанову, паведаміў афіцыйны сайт «зуброў».

Нагадаем, неафіцыйная інфармацыя аб звальненні і затрыманні Максіма Суботкіна з'явілася ў некаторых СМІ ўчора ўвечары.