На мяжы з Літвой згарэла аўто кантрабандыстаў
7- 23.07.2015, 17:40
- 15,440
Уначы 22 ліпеня ў Іўеўскім раёне памежнікі выявілі кантрабандыстаў непасрэдна ў момант перадачы тытунёвай прадукцыі праз мяжу.
Пра гэта сайту charter97.org паведамілі ў прэс-службе Дзяржаўнага мытнага камітэта.
«Два беларусы - мясцовыя жыхары - пад'ехалі на тэрыторыю памежнай паласы на аўтамабілі «Ніва» без рэгістрацыйных нумароў. Памежны патруль перапыніў іх супрацьпраўную дзейнасць. У момант затрымання ў салоне аўто засталіся 6 корабаў (3000 пачкаў) цыгарэт», - гаворыцца ў паведамленні.
Інфармацыя аб правапарушэнні аператыўна была перададзеная супрацоўнікам Віленскага памежнага атрада. Пазней калегі паведамілі аб выяўленні ў гэтым месцы каля загараджальнага плота 5-і корабаў.
Падчас дастаўкі затрыманага аўтамабіля на памежны пост адбылося самазагаранне, прычынай якога стала замыканне электраправодкі. Выгараў салон аўто, груз пацярпеў. Пажар быў аператыўна лакалізаваны супрацоўнікамі МНС. Пацярпелых няма.
У дачыненні да затрыманых грамадзян пачаты адміністрацыйны працэс паводле арт.23.29 КаАП Рэспублікі Беларусь (Незаконнае перасячэнне мяжы). Ім выпісаныя позвы.