Пол Вулфавіц: Перамір'е ў Данбасе будзе, калі мы ўмацуем вайсковую моц Украіны

Былы кіраўнік Сусветнага банка і экс-намеснік кіраўніка мінабароны ЗША Пол Вулфавіц заявіў, што ўмацаванне вайсковай моцы Украіны забяспечыць цяперашняе перамір'е.

Пра гэта ён сказаў у інтэрв'ю gazeta.ru, адказваючы, на пытанне аб пастаўках смяротнай зброі Украіне.

«Я мяркую, што гэта важны прынцып, калі людзі гатовыя ваяваць за сваю свабоду і незалежнасць. І ў іх павінны быць для гэтага сродкі. І лепш, каб гэта рабілі ўкраінцы, чым нехта іншы. Вядома лепш, каб наогул ніхто не ваяваў», - заявіў Пол Вулфавіц.

«Тое, што мы маем сёння, - гэта не сапраўднае перамір'е. І, умацаваўшы вайсковую моц Украіны, мы тым самым забяспечым цяперашняе перамір'е і можа пачнецца рух да сур'ёзнага ўрэгулявання. Добра б было, каб ва Украіны такі рычаг быў», - дадаў ён .