Асфальтавыя дарогі ў ЗША хочуць замяніць на пластыкавыя
19- 28.07.2015, 14:56
- 15,923
Нідэрландская кампанія VolkerWessels прапанавала замяніць зношаныя асфальтавыя дарогі ў ЗША на пластыкавыя PlasticRoad.
Аб гэтым паведамляецца на сайце Discovery News, піша Lenta.ru.
Кампанія прапануе замяніць старыя бетонавыя і асфальтавыя пакрыцці на дарогах перапрацаваным пластыкам. Паводле даследаванняў фірмы, іх пакрыццё будзе ў тры разы больш устойлівым чым класічныя аналагі і здольным вытрымліваць перапады тэмператур у інтэрвале ад мінус 40 да плюс 80 градусаў па Цэльсіі.
PlasticRoad таксама забяспечвае, на думку праекціроўшчыкаў, шэраг інавацыйных магчымасцяў. Сярод іх - модульная зборка, падагрэў дарожнага палатна, а таксама бясшумнасць пры перамяшчэнні па такім пакрыцці аўтатранспартных сродкаў.
