Гарадзенскія мытнікі канфіскавалі два BMW за кантрабанду цыгарэт
8- 28.07.2015, 19:11
- 15,865
Два жыхары горада Гародні спрабавалі правезці 17 тысяч цыгарэт.
Жыхары Гародні на сваіх аўто маркі «BMW-523» спрабавалі перасекчы мяжу праз пункт пропуску «Прывалка» па зялёным калідоры.
Пра гэта charter97.org паведамілі ў прэс-службе Гарадзенскай рэгіянальнай мытні.
«У выніку сканавання аўтамабіляў аказалася, што акрамя падабенства транспартных сродкаў аднолькавым з'яўляецца і спосаб утойвання тавараў ад мытнага кантролю: у пустацелыя прасторы пад дэкаратыўнай панэллю задніх гукавых калонак, зробленных паміж задняй часткай кузава аўтамабіля і багажнікам, выяўленыя схаваныя ад мытнага кантролю тытунёвыя вырабы ў колькасці каля 17 тысяч штук цыгарэт», - гаворыцца ў паведамленні.
Пачаты адміністрацыйны працэс. Абодва транспартныя сродкі і тытунёвыя вырабы агульным ацэначным коштам больш за 220 мільёнаў рублёў канфіскаваныя.