Абама: Навошта ўсё жыццё быць прэзідэнтам, калі ў цябе столькі грошай?

Прэзідэнт ЗША Барак Абама заклікаў кіраўнікоў дзяржаў Афрыкі не займаць пасаду прэзідэнта пажыццёва.

Пра гэта ён паведаміў у аўторак, 28 ліпеня, падчас развітальнага выступу перад Афрыканскім саюзам у Адыс-Абебе, піша Deutsche Welle.

"Я не разумею, чаму людзі хочуць заставацца так доўга (на пасадзе прэзідэнта. - Рэд.), тым больш калі ў іх шмат грошай, - сказаў Абама. - Ніхто не павінен называцца прэзідэнтам пажыццёва".

Прэзідэнт ЗША заклікаў кіраўнікоў афрыканскіх дзяржаў да дэмакратызацыі і заявіў аб неабходнасці барацьбы з карупцыяй.

"Калі прэзідэнты на хаду мяняюць правілы гульні, абы застацца на сваёй пасадзе, гэта багата нестабільнасцю і разладамі ў грамадстве", - сказаў Абама, прывёўшы ў прыклад Бурундзі.

Барак Абама таксама адзначыў, што мяркуе сябе самога вельмі добрым прэзідэнтам. Паводле ягоных слоў, ён мог бы атрымаць перамогу на выбарах у 2016 годзе, калі б меў права браць у іх удзел.