Вікторыя Азаранка: У дзяцінстве ты думаеш і марыш аб адным турніры - пра «Уімблдон»
4- 3.07.2015, 15:05
- 9,631
Беларуская тэнісістка адказала на пытанне, за што яна любіць «Уімблдон».
Словы Вікторыі Азаранкі прыводзіць афіцыйны сайт турніру, піша «Трыбуна».
«Чыннікаў вельмі шмат. Па-першае, у дзяцінстве ты думаеш і марыш аб адным турніры - незалежна ад таго, адкуль ты. І гэты турнір - «Уімблдон». Ты марыш аб тым, каб прыехаць сюды і перамагчы. Гэта асаблівы турнір. Гэта гісторыя, гэта традыцыі, тут такое багацце. Гэта выдатна. Ты памятаеш, як у дзяцінстве марыла аб тым, каб тут перамагчы. І ты хочаш здабыць гэтую карону», - распавяла беларуска.
Напомнім, Вікторыя Азаранка выйшла ў трэцяе кола «Уімблдону» і сёння згуляе з Крысцінай Младэнавіч. Пачатак матча - а 17:00.