На даўгабудзе ў Менску вывесілі транспарант аб бяздзейнасці ўладаў

Дольнікаў, якія некалі ўступілі ў будаўніцтва шматкватэрнага дома на вуліцы Валгаградскай, мабыць, можна назваць аднымі з самых няшчасных у Менску.

З 2009 года - часу, калі дзясяткі сем'яў аплацілі «квадраты» (забудоўшчык ТАА «Валынь»), свету з'явіліся толькі чатыры няпоўныя паверхі. На бязмежжа ўлады быццам бы адрэагавалі: віна і ашуканскія намыслы забудоўніка даведзеныя, галоўныя фігуранты справы апынуліся ў турме. Але дольнікам ад гэтага не лягчэй: «шкілет» шматпавярховіка так і не мяняе свайго выгляду, піша onliner.by.

У роспачы людзі спрабавалі прыцягнуць увагу ўсякімі спосабамі: звярталіся да прэзідэнта, затым старшыні Менгарвыканкама. Паўтары тыдні таму самыя актыўныя дольнікі наважылі звярнуцца да яшчэ адной формы апавяшчэння ўладаў - менчукі збіраліся павесіць расцяжку на сваім даўгабудзе. Праўда, праваахоўнікі праявілі небывалую аператыўнасць: да месца, дзе дольнікі працавалі над стварэннем палатна, прыехалі людзі ў форме і ўгаварылі гараджан разыходзіцца па дамах.

Аднак задумы дольнікаў камусьці ўсё-ткі атрымалася давесці да канца: відавочца падзяліўся фотаздымкам, суправадзіўшы яго кароткім подпісам «праблемны даўгабуд на Валгаградскай». Як бачым, расцяжка - крык душы - заняла сваё месца.