Аналітыкі прадказваюць падзенне коштаў нафты да $35 за барэль
12- 30.07.2015, 9:30
- 16,981
Кошты нафты найбліжэйшым часам прадоўжаць зніжэнне праз перанасычанасць прапановы.
Пра гэта гаворыцца ў паведамленні прэс-службы міжнароднага фінансавага холдынгу FIBO Group, паведамляе УНИАН.
Паводле паведамлення прэс-службы, такое меркаванне выказваюць аналітыкі кампаніі, адзначаючы, што кошты нафты могуць падаць да 35-40 даляраў за барэль. «Зварот на рынак энэргарэсурсаў Ірана прывядзе да выкіду да 1 мільярда барэляў нафты з далейшым павелічэннем да 4-х. На думку аналітыкаў, менавіта Іран будзе фактарам ціску коштаў нафты цягам найбліжэйшага перыяду», - паведаміла прэс-служба.
На кошт нафты таксама цісне павелічэнне колькасці новых свідравін для здабычы нафты ў ЗША на фоне істотнага зніжэння сабекошту здабычы сланцавай нафты да 30 даляраў за барэль.
«Ці ўплывае на кошт чорнага золата і зніжэнне спажывання газу і нафты, што прыводзіць да павелічэння іх сусветнага запасу», - тлумачаць сітуацыю аналітыкі.
Нагадаем, кошт барэля нафты АПЕК у аўторак, 28 ліпеня, знізіўся на 1,46% - да 50,54 даляра за барэль з 51,29 даляра ў папярэдні гандлёвы дзень, аднак затым трохі вырас.