На жыхароў Варонежскай вобласці абрынуўся агнявы дождж

На жыхароў Варонежскай вобласці абрынуўся агнявы дождж, інцыдэнт адбыўся ў горадзе Семілукі.

Вінаватая ў гэтым аказалася не стыхія, а Семілуцкі вогнетрывалы завод, паведамляе партал «Моё». Са слоў відавочцаў, з галоўнай завадской трубы менавіта гэтай кампаніі позна ўвечары 27 ліпеня пасыпаліся распаленыя шматкі нейкага попелу.

Дзіўны «дождж» падаў на дахі, і жыхары ўжо рыхтаваліся тушыць свае дамы. Яны выклікалі пажарную каманду, мэра горада і дырэктара прадпрыемства Аляксея Неўпакоева. Апошні так і не прыехаў на месца выкіду, але пазней растлумачыў прычыну «ападкаў» нізкай якасцю сыравіны.

У той жа час мясцовыя жыхары заяўляюць, што падобныя выкіды здараюцца рэгулярна і амаль заўсёды ўначы. Паводле версіі семілукцаў, гэта адбываецца праз няякасныя або проста старыя фільтры. Мясцовыя ўлады паабяцалі разабрацца ў сітуацыі і засцерагчы насельніцтва.

Семілуцкі вогнетрывалы завод быў пабудаваны на базе Латненскага радовішча вогнетрывалых глін ў 1931 годзе, з 1993 года - ААТ «Семілуцкі вогнетрывалы завод». Спецыялізуецца на выпуску вогнетрывалых матэрыялаў для металургічнай, машынабудаўнічай, шкляной і цукровай прамысловасці. З'яўляецца горадаўтваральным прадпрыемствам горада Семілукі.