Выкладчык каледжа пазбавіўся маёмасці праз хабар

Суд завяршыў слуханне крымінальнай справы на абвінавачванне ў атрыманні хабараў выкладчыка Буда-Кашалёўскага дзяржаўнага аграрна-тэхнічнага каледжа.

Выкладчык дысцыпліны «Тэхнічнае абслугоўванне сельскагаспадарчай тэхнікі» ў перыяд з кастрычніка 2012 года ў сакавіку 2015-га атрымліваў незаконнае матэрыяльнае ўзнагароджанне і рыхтаваў ад імя навучэнцаў курсавыя праекты па дысцыпліне, якую выкладаў, піша БелТА.

Таксама без належнай праверкі ведаў вучняў альбо наогул без праверкі пры прыёме сваіх курсавых праектаў выстаўляў ім станоўчыя адзнакі ў адпаведную ведамасць, журнал навучальных заняткаў і кніжку паспяховасці.

За учыненне гэтых дзеянняў абвінавачваны атрымліваў ад навучэнцаў грашовыя сродкі ў замежнай валюце і беларускіх рублях, а таксама таварна-матэрыяльныя каштоўнасці. Сума хабару складала, як правіла, суму, эквівалентную $50. У судзе быў даследаваны 21 эпізод, прад'яўлены абвінавачваннем. Большасць сведак паказалі, што ведалі пра магчымасць замовы ў педагога такой «паслугі».

Суд прысудзіў фігуранта ў справе да 5 гадоў пазбаўлення волі з канфіскацыяй маёмасці і пазбаўленнем права займаць пасады, звязаныя з выкладчыцкай дзейнасцю цягам 5 гадоў.

Прысуд не ўвайшоў у законнае дзеянне і можа быць абскарджаны.