Замежная запазычанасць Беларусі дасягнула $12,7 млрд

Дзяржаўная запазычанасць на 1 ліпеня 2015 склала 249,8 трлн рублёў і павялічылася ў параўнанні з пачаткам года на 52,4 трлн рублёў, ці 26,5%.

Як паведамляе Міністэрства фінансаў, вонкавая дзяржаўная пазыка паводле стану на 1 ліпеня 2015 года склала 12,7 млрд даляраў ЗША, павялічыўшыся з пачатку года на 101,0 млн даляраў, або 0,8% (з улікам курсавых розніц), піша БелаПАН.

У студзені-чэрвені 2015 прыцягнутыя замежныя дзяржаўныя пазыкі на 679,1 млн даляраў ЗША: 429,7 млн даляраў - урада і банкаў Расейскай Федэрацыі; 228,8 млн даляраў - банкаў КНР; 20,6 млн даляраў ЗША - МБРР.

Выплата замежных дзяржаўных запазычанасцяў з пачатку 2015 склала 547,8 млн даляраў ЗША: 150,0 млн даляраў - урад Расейскай Федэрацыі; 75,9 млн даляраў - МВФ; 176,6 млн даляраў - Еўразійскі фонд стабілізацыі і развіцця; 80,5 млн даляраў - банкі КНР; 7,5 млн даляраў - МБРР; 0,7 млн даляраў - ЗША; 56,6 млн даляраў - банкі Венесуэлы.

Унутраная дзяржаўная пазыка на 1 ліпеня склала 55,2 трлн рублёў, павялічыўшыся з пачатку 2015 на 6,8 трлн рублёў, ці 14,1% (з улікам курсавых розніц).

За студзень-чэрвень 2015 размешчана ўнутраных валютных дзяржаўных аблігацый для юрыдычных і фізічных асоб на суму, эквівалентную 88,2 млн даляраў ЗША, і 340,5 млрд рублёў. З пачатку 2015 кампенсавана валютных і рублёвых дзяржаўных аблігацый для фізічных і юрыдычных асоб (без уліку аперацый у абмене) на 175,0 млн даляраў ЗША і 815,9 млрд рублёў.