РФ спыніць зборку Ан-140 праз санкцыі Украіны

Хуткае імпартазамяшчэнне ўкраінскіх камплектуючых для самалёта не магчымае.

Самарскі завод "Авіякар" прыпыняе працу ў выпуску самалётаў Ан-140 праз адсутнасць паставак з Украіны, паведаміў РІА "Новости" ў пятніцу генеральны дырэктар прадпрыемства Аляксей Гусеў.

"З улікам таго, што ў нас 34 заводы-пастаўшчыкі ва Украіне і галаўное КБ знаходзіцца ва Украіне, у такі хуткі тэрмін не ўяўляецца магчымым замяшчэнне. Таму ў нас тая праграма (у выпуску Ан-140) часова спыняецца. Ну а далей паглядзім", - сказаў Гусеў.

Таксама ён паведаміў, што некалькі самалётаў Ан-140 усё ж такі будуць сабраныя з наяўных дэталяў. "Самалёты АН-140 мы збіраем з задзелаў. Зробім самалёты з таго, што ў нас набытае і знаходзіцца на складах... Будуць да канца года сабраныя", - сказаў Гусеў.

Ён не ўдакладніў іх колькасць, бо завод пакуль не можа раскрыць гэтую інфармацыю.

Раней завод "Авіякар" спыніў папярэднюю аплату ўкраінскім прадпрыемствам за іх працу ў мэтах бяспекі. На сустрэчы з прэзідэнтам РФ Уладзімірам Пуціным у чэрвені 2014 генеральны дырэктар "Авіякара" Аляксей Гусеў заявіў, што тры самалёты Ан-140 для Мінабароны будуць сабраныя з наяўных дэталяў. Таксама разглядалася магчымасць пачаць зборку на "Авіякаыр" мадэрнізаванага самалёта Іл-114 замест Ан-140.

***

Ан-140 - украінска-расейскі турбавінтавы рэгіянальны грузапасажырскі самалёт, распрацаваны АНТК "Антонаў". Лайнер можа перавозіць да 52 пасажыраў на адлегласці да 2,3 тысячы кіламетраў. Самалёт серыйна вырабляецца на Харкаўскім дзяржаўным авіяцыйным вытворчым прадпрыемстве і на самарскім авіяцыйным заводзе "Авіякар".

ААТ "Авіякар - авіяцыйны завод" - адно з найбуйнейшых расейскіх авіябудаўнічымі прадпрыемстваў. Асноўная сфера дзейнасці завода - будаўніцтва, рамонт, абслугоўванне і пастаўка запчастак для пасажырскіх самалётаў Ту-154М і Ан-140.