Прэзідэнт Балгарыі ўпершыню за 12 гадоў прыбыў ва Украіну
- 7.07.2015, 14:24
- 19,885
Балгарыя падтрымлівае права народа Украіны вызначаць сваю будучыню, тэрытарыяльную цэласнасць і суверэнітэт.
Пра гэта заявіў прэзідэнт Балгарыі Расэн Плеўнеліеў падчас сустрэчы з прэзідэнтам Украіны Пятром Парашэнкам, піша "Карэспандэнт".
З ягоных слоў, Украіна і Балгарыя супольна на сусветнай арэне абараняюць вяршэнства права і права кожнай нацыі на самавызначэнне.
"Кожны народ павінен сам вызначаць сваю будучыню, тэрытарыяльную цэласнасць і суверэнітэт. Балгарыя падтрымлівае гэта права народа Украіны", - падкрэсліў Плеўнеліеў. Ён таксама адзначыў, што "Крым - гэта Украіна".
Учора міністр замежных спраў Украіны Павел Клімкін і ягоны балгарскі калега Даніэль Мітаў падчас рабочай паездкі ў Адэскую вобласць абмеркавалі пытанні рамонту трасы Адэса - Рэні і дамовіліся аб супольным будаўніцтве пераправы праз Дунай.