NASA паказала відэа 11-гадовага марафону марсахода Opportunity

Апарат Opportunity ў перыяд са студзеня 2004 года да красавіка 2015 прайшоў 42,2 кіламетра ад свайго першапачатковага становішча ў кратары Ігл.

Аб гэтым паведамляецца на сайце агенцтва, піша Lenta.ru.

Марсаход аднавіў сваю актыўную працу 27 чэрвеня 2015 года, калі ўзаемнае становішча Сонца, Зямлі і Марса дазволіла яму звязацца з NASA. Марсаход не захоўвае свае звесткі ў памяць, а адразу адпраўляе іх навукоўцам.

Першапачаткова марсаход працаваў у рэжыме, які мае на ўвазе захаванне інфармацыі ў энэрганезалежную флэш-памяць. Аднак апошнім часам бартавы кампутар апарата некалькі разоў пераладоўваўся, што магло азначаць страту сабраных звестак. З гэтай прычыны навукоўцы наважылі прымаць інфармацыю ад марсахода ў момант яе збору.

У сваю сёмую марсіянскую зіму апарат, як чакаецца, працягне даследаванні мінералаў на паверхні Чырвонай планеты. Цяпер Opportunity знаходзіцца на высокім ускраі вобада кратара Індэвар, які дасягае ў дыяметры 22 кіламетры.

Вывучэннем Індэвара марсаход займаецца з 2011 года. Навукоўцы чакаюць, што з жніўня 2015 года марсаход зможа правесці ў кратары некалькі месяцаў, запасячы сонечную энэргію.

З больш як 40 зондаў, які паляцелі да Марса, паспяхова закончылі свае місіі менш за палову. Цяпер на паверхні планеты функцыянуюць два апараты - Curiosity і Opportunity.

Марсіянскі самаход NASA Curiosity адправіўся да Чырвонай планеты 26 лістапада 2011 года. Ён быў запушчаны пры дапамозе ракеты-носьбіта Atlas V 541 з касмадрома на мысе Канавэрал у Фларыдзе. Пасадка на Марс адбылася 6 жніўня 2012 года ля кратара Гейла. Гэта трэці марсаход, запушчаны NASA у рамках праграмы Mars Science Laboratory.